「草莓」的臺語

　　照講，strawberry 種个(tsióng-ge) 果子是差不多30年前tsiah引進臺灣--ê，所致咱只陣ê臺灣人，多數是直透綴華語說做「tshāu-mê」，權算是「華語借詞」，果子擔ê頭家也計是按呢說。

　　有ê人主張「舊詞再用」，共伊叫做【刺波 tshì-pho】，銅山何煒主張漢字是「刺藨」，毋拄「刺波」是有刺 ê『野草苺』，嘛號做【hóo-m̂/m̀】，品種kap strawberry無sâng。 

　　1931年ê《臺日大辭典‧上冊》有收【草莓 tsháu-m̄】，可能古早臺灣人有安爾說。 

　　1873年ê《廈英大辭典》有收：

　　　　chháu-kó, straw (kó, stalk); the strawberry

　　　　hó͘-m̄ (+), the strawberry. hó͘-m̄-pho, the wild strawberry.

　　　　siâ-kó, the strawberry (as being eaten by serpents)

　　 可見在來唐山ê漳泉話有說【草果 tsháu-kó】、【虎莓 hóo-m̄】、【虎莓波hóo-m̄-pho】、【蛇果 siâ-kó】（因端是蛇會食種个果子）。

 　　毋拄《廈英》kap《臺日》計是記陽去ê【Ｘ莓(m̄)】，毋是記陽平ê【Ｘ莓(m̂)】。閒--先講亻因是講「hóo-m̂」，晉江阿郎說亻因是說「hé-m̂」，東石阿國亻因說「hér-m̀」，頭--字卜定(poh-tiānn)是「火」--字。次字讀陰去--ê，iá有同安茼萵仔、銅山何煒，亻因是說「hóo-m̀」。潮汕有說「hóu-m̄」、「khóu-m̀」。泉港ê番薯說亻因「莓」有人說「ḿ」、有人說「m̄」。

　　臺語界現主時ê先進，多數是主張讀做【草莓 tsháu-m̂】。

　　實際上也有人是看字共次字讀做文讀「tsháu-muî」。

　　總--是，荀子《正名篇》：「名無固定，約之以命，約定俗成謂之宜。」

『巨蛋』ê 臺語愛障仔說？

　　捷運局講：「請教相關語言專家學者，由於『巨蛋』一詞，是源於外來的專有名詞，並不適宜以字面上的文字直譯，決議將『臺北小巨蛋』臺、客語比照國語發音播報，兩者皆唸成『臺北小ㄐㄩˋㄉㄢˋ』。」我無 siánn 相信言語專家會建議臺語、客話計讀做「ㄒㄧㄠˇ ㄐㄩˋ ㄉㄢˋ」，抑若無，就是提供建議 ê 言語專家學者毋是真正 ê 專家。

　　在來 ê 臺語專家早就提出真濟建議，大約仔會用得分做三派，一派是借華語 ê 漢字讀【巨蛋 kī/kū/kīr/kǐr-tàn/tān】；一派是借日本話 ê「ドーム(dome)」讀做「tòo-mù/muh」；另外一派是臺語人 kāi-kī 來造詞，杜建坊先生提供一个誠有臺語氣口 ê「圓拱埕」、「圓拱館」，http://blog.xuite.net/getting.rich/hopefully/48672837，可惜現 tsú 時，拍算已經誠濟臺語人毋知影 siánn-mih 號做【圓拱 uân-kong】--囉！連教育部 ê《臺灣閩南語常用詞辭典》嘛解說賺(tānn)--去。（補：我有寫一篇文探討〈【圓拱 uân-kong/kiong】〉）

1.【巨蛋 kī/kū/kīr/kǐr-tàn/tān】

　　「巨」--字有方音差，漳州音「kī」、廈門音「kū」、泉州音「kǐr/kīr」，只幾个方音差，佇臺北計有人說，現 tsú 時臺灣普通腔多數是說「kī」，有人建議臺北 ê 小巨蛋讀「kūī」，高雄 ê 巨蛋讀「kī」，更加會用得反映出南北無 sann-sâng ê腔口；「皮蛋」佇1923年 ê《增補廈英》、1931-32年 ê《臺日》計是記做「phî-tàn」，當然《增補廈英》亦有收「phî-tān」，「蛋」--字佇韻書是讀陽去 ê「tān」，「皮蛋」讀做「phî-tàn」，在我 ê 淺見，拍算是「官話借詞」。

2.「tòo-mù/muh」

　　這是借日本話 ê「ドーム」，日本話 ê「ドーム」是借自英語「dome」ê 外來語，可比講東京巨蛋正式 ê 英文名是「Tokyo Dome」。

3.【圓拱埕  uân-kong-tiânn】、【圓拱館  uân-kong-kuán】

　　【圓拱 uân-kong】窮實是在來咱 ê 話，也就是華語咧講 ê『拱形』，可比講「圓拱門」懸頂就是做一个「圓拱仔」，論真，咱在來並無圓厝頂 ê 建築，建坊先號做「圓拱埕」、圓拱館」，是取「圓拱(門)」加「(運動)埕」來號--ê。

4.提供一个 native speaker ê 臺灣人號 ê名，臺北 ê 只粒『大巨蛋』，阮老 pě 說【鵝卵 giâ-lěrng】。

總--是，臺語、客話計讀做「ㄒㄧㄠˇ ㄐㄩˋ ㄉㄢˋ」是上 kě 路--ê！

 

昨日(tsā-ji̍t)我去宜蘭做評審，欲轉--來 ê 時因為拆無車幫，所致去坐「葛瑪蘭客運」，結果車頭 ê 臺語放送，獨獨「葛瑪蘭」只三字毋是講臺語，煞干焦會曉用國語來講「葛瑪蘭」，論真，人宜蘭人本來就有用臺語咧講「噶瑪蘭」，教育部記做【噶瑪蘭 Kat-má-lán】，日本時代 ê《臺日大辭典》記做【蛤仔蘭 kap-tsú-lân】，只六音除了「lán」以外，攏是照漢字落去讀，這並毋是宜蘭人在地 ê 講法；我捌調查過一寡宜蘭人 ê 講法，有「ka-bá-lán」、「ka-má-lán」、「ka-bá-lân」。

我iá是欲閣講許(hí)句話，講做「ㄍㄜˊ ㄇㄚˇ ㄌㄢˊ」是上低路--ê！

 

http://www.trtc.com.tw/ct.asp?xItem=86463850&ctNode=70050&mp=122035

捷運「小巨蛋」站的臺語播放

捷運「小巨蛋」站的臺語播放

許嘉勇

2014年10月初報載臺北市捷運局：「請教相關語言專家學者，由於『巨蛋』一詞，是源於外來的專有名詞，並不適宜以字面上的文字直譯，決議將『臺北小巨蛋』臺、客語比照國語發音播報，兩者皆唸成『臺北ㄒㄧㄠˇㄐㄩˋㄉㄢˋ』。」筆者不太相信語言專家會建議臺語、客話皆讀做「ㄒㄧㄠˇㄐㄩˋㄉㄢˋ」，否則便是提供建議的專家學者並非真正的專家。

　　有關新詞「巨蛋」的臺語說法，歷來的臺語專家早已提出過許多建議，約可分成三派，一派是借華語的漢字讀成【巨蛋  kī/kū/kīr/kǐr-tān/tàn】；一派是借日語的「ドーム(dome)」讀做「tòo-mù/muh」；另外一派是臺語人自己造詞，漢學家杜建坊先生曾建議一個很有臺語味的說法──【圓拱埕 uân-kong-tiânn】、【圓拱館 uân-kong-kuán】[1]。

1. 【巨蛋 kī/kū/kīr/kǐr-tān/tàn】：

　　「巨」字有方音差，漳州音「kī」、廈門音「kū」、泉州音「kǐr/kīr」，這幾個方音差的音讀，在傳統的大臺北地區都有人講，若以大稻埕的新同安腔當做老臺北的優勢腔，那麼所謂的「臺北腔」是讀「kū」，當今的臺灣普通腔則多數是說「kī」，有人建議臺北小巨蛋的「巨」字讀「kū」，高雄巨蛋的「巨」字讀「kī」，更可以反映出南北不同的口音。

　　「蛋」字在閩南語傳統韻辭書是讀做陽去的「tān」（中古音亦是「濁去」），而非陰去的「tàn」，一般人所熟知的「皮蛋」一詞，在1923年的《增補廈英大辭典》、1931-32年的《臺日大辭典》才是收錄為「phî-tàn」，當然《增補廈英》亦有收錄「phî-tān」，「皮蛋」讀做「phî-tàn」當是「官話借詞」，「蛋」字的閩南語正讀為「tān」，「蛋」字讀做陰去的「tàn」必須視為「皮蛋」專用。

 

2.「tòo-mù/muh」：

　　這是借自日語「ドーム」的借詞說法，日語的「ドーム」是借自英語「dome」的外來語，ex. 東京巨蛋正式的英文名稱即是「Tokyo Dome」。

3.【圓拱埕 uân-kong-tiânn】、【圓拱館 uân-kong-kuán】：

　　【圓拱 uân-kong】[2]是一個道地的閩南語詞彙，門窗上方施以圓拱狀(arch)的設計，此設計便稱做【圓拱 uân-kong】、【圓拱仔  uân-kong-á】、【圓拱門頭 uân-kong-mn̂g/muî-thâu】、【圓拱楣 uân-kong-bâi】。我們的傳統並無圓屋頂的建築，杜建坊先生取名做「圓拱埕」、「圓拱館」，是取「圓拱(門)」加「(運動)埕」來命名的，可惜當今的臺語人，多數可能已不知【圓拱 uân-kong】為何物了。

 

建議：

　　一個新事物的「命名權」，理當由該語族人士來掌握，可惜當今社會並不容許這個命名的基本權利。依筆者愚見，有關新詞「巨蛋」的臺語說法，最好的建議為杜建坊先生之【圓拱埕 uân-kong-tiânn】、【圓拱館 uân-kong-kuán】，然而這個最有「臺語味」的建議，想必也是社會接受度最低的一個。

　　考量現代人華語意識已根深蒂固的實態，直接採用華語詞「巨蛋」的閩南語漢字讀音，是一個退而求其次且不得已的替代方案；而「巨蛋」兩字的音讀因有漳泉廈方音差、正讀、借詞等又音，因此捷運局的播放勢必得選擇其中的一個音讀，如前述關於「巨蛋」二字音讀之分析，筆者建議「小巨蛋站」的「巨」字讀「臺北腔」的「kū」，「蛋」字讀正讀的「tān」，亦即「小巨蛋」讀成「sió-kū-tān」，然而，當今捷運站的播放實為「sió-kū-tàn」。

 

---

[1] 杜建坊2011-7-28〈台北捷運「小巨蛋站」台語按怎講？〉http://blog.xuite.net/getting.rich/hopefully/48672837。

[2] 《臺日大辭典》另外收錄前字為陰平的「uan-kong」，說臺灣普通腔的人陰陽平變調不分，依泉腔語料來看，前字當為陽平的「uân」；教育部《臺灣閩南語常用詞辭典》除了收「uân-kong」之外，另收「uân-kóng/kióng」兩音，筆者懷疑是編者受到揀選漢字為「栱」的影響，由漢字尋音讀的「錯誤類推」，實際上沒人說「uân-kóng/kióng」，而「栱」字源自「拱」字，後僅用於『斗栱』，「拱」字原義『拱手』，後引申做形容詞「圓弧形的」，《教典》將「uân-kong」的漢字寫作「圓栱」，實應作「圓拱」。

火熥 hér-thang

【火熥 hér-thang】→『喝湯(ㄏㄜ ㄊㄤ)』

只幾日【大寒 tuā-kuânn】，共囝仔(kán-á)洗身軀 ê 時，著愛開只一台「火熥」，「火熥」雖然是舊詞，總--是，阮 iá 是舊詞再用，用來稱呼新 ê 電化製品『電暖爐』，嘛有人加一字【電】--字，號做【電火熥】。

有一日，阮牽--ê 共細尾--ê 洗好咧穿衫 ê 時，袂記得開只一台「火熥」，阮查某囝 kho̍k-kho̍k 喝(huah)「hér-thang」、「hér-thang」，阮某一直捎無摠(sa bô tsáng)，想講伊哪會一直喝(huah) 欲『喝湯(ㄏㄜ ㄊㄤ)』！

「火」--字 ê 白讀音，漳音「hué」、廈音「hé」、泉同音「hér」。「火熥」也有人說做「hué/hé/hér-lang」，次字權算是「清音濁化」ê 音變。

俗語講：【六--月賣火熥】，意思是指『不合時宜』。

2018.12.16佇鶯歌陶瓷博物館翕--ê。

2020.10.09佇頭城蘭陽博物館翕--ê。

『滑鼠』ê臺語？

　　Computer mouse，臺灣、香港、實叻(si̍t-la̍t)、馬來西亞ê華語是說做『滑鼠』，中國ê普通話說做『鼠標』，A-la̍k-á也有人是說『小老鼠』。

　　現tsú時國校臺語ê教科書多數教人著讀做【滑鼠 ku̍t-tshí/tshú/tshír】，《教典》也有收【滑鼠】只个華臺共同詞，漳泉廈有人是直透綴普通話說做【鼠標 tshí/tshú/tshír-piau/phiau】，往過我聽電腦界有咧講臺語ê人，因窮實是說【鳥鼠仔】，少年人也有人主張講做【電腦鼠】。

 

 

 

 

 

 

 

 

『鍵盤』ê臺語？

　　keyboard，日本話號做「キーボード」，語源是英語ê「keyboard」，也會用得叫做「鍵盤(けんばん)」，中文『鍵盤』ê語根應該也是來自日本話。

　　國校 ê lǎi/lāi書，有ê版本直透綴中文講做【鍵盤 kiān-puânn】，有ê版本號做【拍字盤 phah-jī-puânn】，漳泉廈也是行中文ê路草說做【鍵盤 kiān-puânn】。

　　英語ê「keyboard」，論真是包括 typewriter keyboard、computer keyboard kap musical keyboard，所致往過有咧沐樂器ê臺語人，因是計共musical keyboard說做「khí-pòo」。

　　我個人是iá佮意「khí-pòo」只个詞，誠有臺語味素，而且若硬berh/beh/bueh/boh寫做漢字，會用得共伊寫做「齒佈」，是咱ê話修飾語後置ê構詞法，可比【佈田 pòo-tshân】ê理路，咱咧拍字ê時，buě/buē輸是共一子(jí)一子ê【齒仔 khí-á】，佈佇電腦ê各種應用程式懸頂。

『行車記錄器』ê臺語？

　　華語ê『閉路攝影機』、『監視器』，臺語在來是說做【電眼 tiān-gán】，漳泉廈無【電眼】只个詞，【電眼】只个詞已經收入舊年《教典》新詞增收ê計畫，語根會用得算是正港ê臺語。

　　dash cam，國校ê課本教人直接講【行車記錄器 hîng-tshia-kì-lo̍k-khì】（「kì-lo̍k/lio̍k」ê漢字照講愛寫做「記錄」），一个名詞講仔五个字按呢躼躼長，袂束結，iá是說做【電眼 tiān-gán】khah摔拍，嘛khah無華語羶。